福安花店（下稱「本店」）尊重及重視閣下嘅個人資料私隱，並會按照香港《個人資料（私隱）條例》嘅要求處理閣下嘅個人資料。本私隱政策旨在說明本店如何收集、使用及保障閣下嘅個人資料。
一、收集嘅資料
閣下透過本網站落單、查詢、註冊會員或訂閱推廣資訊時，本店可能會收集以下資料：
- 姓名及聯絡電話
- 電郵地址
- 送遞地址
- 訂單及購買記錄
- 會員帳戶資料（如適用）
- AI客服對話紀錄（僅限閣下以會員身份登入並使用AI客服功能時；本店會保存閣下提出嘅問題同AI回覆嘅內容）
- 如閣下直接WhatsApp本店，閣下嘅電話號碼、WhatsApp顯示名，同埋每一句訊息嘅完整內容，會存底方便跟進同內部檢視
- 如閣下使用「治喪通知生成器」或「遺照處理」工具，閣下輸入嘅先人姓名及相關治喪資料，以及（僅限以會員身份登入時）閣下選擇上載嘅先人相片
- 如閣下登記「法事日子提醒」，先人稱呼、離世日期，以及閣下嘅聯絡電郵／電話
二、收集目的及用途
本店收集上述資料，僅用作以下用途：
- 處理及安排閣下嘅訂單同送遞
- 回覆閣下嘅查詢
- 管理會員帳戶、積分及優惠
- 就訂單狀態、送遞安排等事宜與閣下聯絡
- （如閣下同意）發送本店嘅推廣資訊
- 保存AI客服對話紀錄，用作跟進閣下嘅查詢，以及持續改善AI回答嘅準確度同質素
- 保存直接WhatsApp本店嘅對話紀錄，方便職員跟進，亦令本店可以檢視客人常見嘅問題，藉此改善客戶服務（例如調整AI助理嘅設定）。呢批資料僅由本店職員內部檢視，唔會傳送俾任何第三方用嚟訓練或者微調（fine-tune）AI模型。
- 按閣下選用嘅工具，生成治喪通知或者遺照
- 喺閣下登記嘅法事日子（例如頭七／尾七／百日／對年）之前，發送提醒email
- 經WhatsApp通知本店送貨團隊當日已確認嘅送貨安排（僅含送貨地址、產品同時間，唔包括客人姓名同電話）
三、資料保密
本店不會出售、出租或以其他方式將閣下嘅個人資料轉移俾第三方作直接促銷用途，亦不會在未經閣下同意嘅情況下，將資料用作與上述收集目的無關嘅用途。本店會採取合理嘅保安措施，保障閣下嘅個人資料免受未經許可嘅查閱、使用或洩漏。
本店可能會將必要嘅送遞資料（例如姓名、電話、地址）提供俾負責送遞嘅第三方（例如送花員），僅為完成送遞服務之用。
四、本網站使用嘅第三方服務
為咗提供以下功能，本網站會使用下列第三方服務供應商，佢哋可能會收到相應嘅資料：
- DeepSeek（AI客服）：AI客服功能需要以會員身份登入先可以使用。閣下喺AI客服對話框輸入嘅內容，會傳送去DeepSeek嘅伺服器處理以生成回覆，同時本店亦會保存呢啲內容作對話紀錄（見上面第一節）。
- Google（會員Google登入）：如閣下選用「Google登入」，Google會將閣下嘅姓名及電郵地址提供俾本店，用作建立或核對會員帳戶。
- Resend（訂單通知同法事提醒電郵）：本店使用呢個第三方電郵服務發送訂單通知、送貨通知同法事提醒電郵，相關資料會經Resend嘅伺服器傳送。
- Google Gemini（出殯板辨識）：本店職員喺後台用嚟協助將殯儀館公開張貼嘅出殯告示板轉錄落出殯表查詢頁面。過程會將公開告示板嘅相片傳送去Google嘅伺服器做文字辨識，每一筆結果都會經職員人手覆核先公佈，唔涉及客人個人資料。
- Facebook（專頁小工具）：本網站部分頁面內嵌Facebook專頁小工具，Facebook可能會收集訪客瀏覽器相關嘅資料。
- Google Maps（地圖／地址功能）：用喺「聯絡我們」頁面嘅地圖顯示，同紅事訂花表格嘅地址輸入建議。
- MyMemory（翻譯服務）：本店職員喺後台用嚟協助將產品資料翻譯做英文版本，唔涉及客人個人資料。
以上每個服務供應商都按照佢哋自己嘅私隱政策處理資料，並非本店可以控制嘅範圍。
閣下透過本網站傳送或收到嘅WhatsApp訊息（例如閣下主動send俾本店嘅查詢、或者本店發俾自己職員／閣下嘅自動通知），係經本店自己嘅WhatsApp號碼傳送，用嘅係本店自行架設嘅非官方WhatsApp自動化系統。唔會將客人資料分享俾第三方WhatsApp推廣服務。
五、查閱、更正及刪除個人資料
根據《個人資料（私隱）條例》，閣下有權要求查閱、更正及刪除本店持有嘅閣下個人資料（包括會員帳戶、訂單記錄，同埋閣下提交過嘅先人／遺照相關資料）。如欲行使有關權利，或對本私隱政策有任何疑問，歡迎透過 聯絡我們 頁面或者WhatsApp嘅方式與本店聯絡。
六、治喪通知同遺照工具
呢兩個工具免費提供，唔需要落單都用得。
- 遺照處理（自動去背）：所有相片處理（去背、換色、裁切）全程喺閣下自己部裝置嘅瀏覽器入面進行，過程中張相唔會上載去本店伺服器或者任何第三方。
- 治喪通知生成器（上載先人相片）：如閣下以會員身份登入並選擇為通知上載先人相片，該相片會存喺本店伺服器，並於10日後自動永久刪除。已經下載保存嘅通知檔案唔受影響。
- 閣下喺呢兩個工具入面填寫嘅文字資料（先人姓名、日期、地點、文案），僅用作即時生成俾閣下下載嘅檔案，本店唔會另外保留，除非閣下另行透過落單或者查詢方式提交呢啲資料。
七、公開出殯表查詢
出殯表查詢頁面（vigil.html）公開俾任何人查閱、毋須登入，內容包括未來15日嘅守夜／出殯資訊（先人姓名、殯儀館、廳、日期、時間、宗教）。呢啲資訊源自各殯儀館自行公開發佈嘅通告。閣下由呢個頁面撳入去落單，相關資料會經瀏覽器嘅暫存session儲存傳遞去落單表格（唔會出現喺網址列），用完即清。
八、政策更新
本店可能不時檢討及更新本私隱政策，最新版本將刊載於本頁面。
本頁最後更新日期：2026年8月9日